Posted in Mga Tula

Spoken Poetry: Tagu-Taguan

Tagu taguan maliwanag ang buwan

 

Sing liwanag ng ngiti mong pumapawi saking kadiliman

Sing ning ning ng kislap ng mga mata mong malabituin ang kinang

Sing rikit ng kagandahang loob mo na diko na nais pang bitiwan.

 

Taliwas sa paghanga kong itong pangmalayuan lang ang datingan.

 

Tagu taguan, maliwanag ang buwan

Pagkabilang ko tatlo nakatago na kayo

 

Tagong paghangang umusbong sa pagbabalatkayo

Tagong pagibig na di ko masabi sa iyo

Palihim na  paghanga na tinatago ko dito

 

Oo duwag ako,

Duwag ako kasi takot ako

Takot ako kasi ayoko ng maloko

Maloko sa pag ibig na hindi naman totoo

Maniwala sa mga salita mong puno ng pagpapabango

At umasa sa pangako na mahal mo din ako

 

Oo sawa na ko,

Sawang sawa nakong lumigaya ng panadalian

Lumipad sa alapaap na para bang may pakpak

At bigla nalang mahulog sa katotohanang

Ang lahat pala ng mga iyo’y pansamatala lamang

 

Parang sigarilyong  nauupos na sa kakahithit mo’t humaling ka na di mamalayang ito na pala ay ubos

Pero di pa yan tapos , dahil

Magmimistulang batang musmos

Na gusto mo pa at hihingi ka ng limos

Kaso wala ka na’t nalaos

 

Tagu taguan, maliwanag ang buwan pagkabilang ko tatlo nakatago na kayo

 

Tatlo, oo tatlo

Tatlong bagay lang naman ang gusto ko

Tatlong bagay na kahit anong gawin ko hindi ko din matanto

Tatlong bagay na sa tingin ko malabong makamit ko

 

Una ikaw at ako

Na sana meron tayo

Pero ayoko ng mahulog ng walang sumasalo

Kaya dito palang suko na ako

Kasi alam ko sa dulo ako lang din ang talo

 

Ikalawa,

Pangalawa palang to pero parang ayoko ng ituloy

Para akong namatayang nanghihingi ng abuloy

Ganyan talaga ang buhay puno ng panaghoy

Ang sakit na sa dibdib parang gusto kong sumigaw ng HOY!

Kasi sa totoo lang

Alam kong wala kang pakialam

Pero pakinggan mo sana’t nais kitang mahagkan

Kahit na saglitan lamang

Yung tayong dalawa lang

Pero nadadalawang isip din ako kaya wag na lang

 

Pangatlo,

Eto na at aking itotodo

Lahat ng sasabihin ko

Gusto kong marinig mo

Gusto kita at di to biro

Gusto kita kaya eto ako’y tuliro

Patuloy na nakikipaglaro

Sa mundo ng pag ibig na ako ay bigo

Hinahangad manalo

Na sa dulo sana tanging tinig ko ang marinig mo

Ang sisigaw ng BINGO! Sabay takbo palapit sayo

Pero wala nga palang tayo

Kaya gigising nalang ako

Gigising sa panaginip at bangungot na ito

Na malabong magkatotoo

Kasi alam ko na iba ang gusto mo

 

Sa malayo titingin nalang ako

Magmamahal ng lingid sa kaalaman mo

Masaya nako dito

Magmamahal ng patago…

 

Tagu taguan maliwanag ang buwan, pagkabilang ko tatlo nakatago na kayo

 

Isa……….

 

Dalawa…..

 

Tatlo…..

 

Bibitaw nalang ako para tapos na ito

Bibitaw nalang ako at ako naman ang magtatago

Sawa nakong maging taya kakahanap sa iyo

Para sana man lang maranasan kong hanapin din ako

Pero sa pagkakataong ito

gagalingan ko muna ang pagtatago

 

Hangang sa magtagpo

Ang landas ng isang ikaw at ako

Yung siguradong TAYO

Magsasama hanggang sa dulo ng mundo

Advertisements
Posted in Mga Tula

Love Online

Matahas na pag iibigan
Nagsimula sa simpleng usapan
Napunta sa kung saan
Hanggang di mawari’t sya’y lumisan

Oh pag ibig san nagkamali
Mga nagawa ko’y di mawari
Tinanong ang sarili
Mali ba ang aking nasabi
Dilag na kaulayaw ko’y nawala ng walang pasabi

Sa anim na buwan na sumapit
Diko alam na ika’y naakit
sa tuald kong abang marikit
Tibok ng puso mo’y ako na pala ang sambit

Bakit ngayo’y wala ka na
Ako ba sayo’y wala ng halaga
Dahil ba sa nasambit na kataga
Pasensiya na’t sa una’y di talaga naniniwala

Pero ngayon kung muling tatanungin
Isa lang ang aking sasambitin
Ngayo’y naniniwala mandin
Kaulayaw sa chat ay pwedeng ding mahalin

Posted in Mga Tula

Hanggang sa Dulo

Kakapit kahit masakit na
Lalaban dahil kakayanin pa
Hihinto pero hindi susuko
Ipagpapatuloy hanggang sa dulo
Mahirap pero magagawa
Tatapusin kahit lumuluha

Haharapin ang madla
Kahit mukang kawawa
Ipapakitang ako’y matatag
Kahit sa kaloob looba’y basag
Hinding hindi magpapatalo
Kahit na sinomang luko luko

Tatapusin ang laban nato
Buo ang loob, taas noo
Hindi magpapatalo
Kahit na  kanino
kahit pa sa takot ko

Ayan na malapit na
Tanaw ko na ang linya
Aabutin ko ang bandera
Ang lakbaying ito’y matatapos na

eto na ang bandera, akin na itong hawak
Iwawagayway ng buong galak
Ako ang panalo sa patimpalak

Posted in Mga Tula

Pantasya

Tila ang bawat pangyayari’y

hango lamang sa isang pantasya,

masaya ang umpisa’t

sa wakas ay may lumbay.

 

Bawat titik, Bawat salita,

bawat linya’y tagus tagusan,

damang dama ang panglaw

sa puso’y nananahan.

 

Kelan darating liwanag sa dilim,

kelan kaya ang lumbay

sa puso’y lilipas din.

 

Magpapakatatag para sa bagong simula,

dala ang ala alang iniukit ng nakaraan,

babaunin ang saya,

gagamitin ang karanansan

para sa aking pagbabalik

ako’y matatag na.

Posted in Mga Tula

Walang Duda Mahal Kita

Minsan ba sa buhay mo’y
Naalala mo ako?
Na sa gitna ng kabusyhan mo’y
Bigla akong papasok sa isip mo?

Minsan din ba’y tinimbang mo
Kung gaano ako kahalaga sayo
Na sa pagmamahal mo’y
Karapat dapat ba ako.

O di naman kaya’y natanong mo ang sarili mo
kung ako nga ba’y mahal mo at gaano ito.

Sapagkat ilang beses man akong tanungin ng ganito dito sa puso’t isip ko isa lang ang sagot ko,
OO MAHAL KITA AT WALANG DUDA YON!

Posted in Mga Tula

Pagbangon mula sa dusa

  • I

    Pagibig nga bang maituturing

    Ang pagiwan mo sa akin

    Sa gitna ng dilim

    Araw’at gabi’y naninimdim

    II

    Tanda pa nga pangako mo sa akin,

    Na sa habang buhay ako’y mamahalin

    Ngunit ngayo’y nasan na’t bakit umalis?

    Ako ngayo’y ito’t nagdudusa sa hapis

    III

    Ilang oras, ilang araw, ilang buwang pagdaramdam

    Aking dinusa mula ng ikay mamaalam

    Ilang luha, ilang sakit, at hinagpis sa akin ay nawaglit

    Ang damdamin ko’y pinunit na ata ng pait

    IV

    Umibig at nasaktan ngayon ay muling lalaban

    Haharapin ang panibagong bukas na hindi na ikaw ang kauban

    Salamat sa pait at hapding dinulot sakin

    Ngayon ay natuto’t didiretso na sa lakbayin

    Ito ay para sa aking pakikiisa sa pagdaraos ng buwan ng wika. Ipagmalaki natin Wikang Filipino, sariling wikang Atin!

Posted in Mga Tula

Masigasig

Ang Taong MASIGASIG

 

Di matitinag tumirik man ang tren na sinasakyan

Masiraan man ng bus sa daan

Malayo man ang pinanggalingan

paulit ulit mang matapakan

 

HINDING HINDI SUSUKO AT AATRAS

Posted in Mga Tula

Pagkapit

Minsan sa aking buhay naranasan ko nang kumapit

Walang humpay sa paghawak kahit na masakit

di alintana, ang init at ngawit

kahit na ang byahe ko’y aabot na ata sa langit

 

Posted in Mga Tula

EL-AR-TI

sasakyang bakal, tren sa itaas

puno ng mga tao na para bang sardinas

 

umaarangkada mula roosevelt hanggang baclaran

iba-iba ang haba ngunit iisa lang ang ruta

 

sa kahabaan ng edsa di alintana ang init

mga tao doon unti unting nangngingitngit

 

tulakan, unahan, sikuhan at tyansingan

iilan lamang sa mga pangyayaring karaniwan na lamang

 

mapababae, mapalalaki hala sige ang siksik

makarating lang sa kani kanilang destinasyon.

 

Posted in Mga Tula

Kalabog ng Dibdib

Minsan ba’y nadama mo na
Kalabog ng dibdib na di mawatasan
Puso’y di magkammayaw sa pagtambol
Kuryenteng dumadaloy sa saliw ng alinguyngoy
Sa loob ng mahabang panahon
Ngayon ko lang ulit naranasan
Isang malakas na kalabog
Sa dibdib ko ay dumapo
Ako’y nagulumihanan kung aanong dahilan
Ng kakaibang kalabog, sa dibdib ko’y gumugulo
Aking sinuri, siniyasat mabuti
Ang siyang dahilan nitong aking damdamin
Isa isang binalikan bawat gunita
Bawat alaala na sa akin ay nangyari
Hanggang sa mawatasan
Siyang punong dahilan
Kalabog ng dibdib na akin ngayo’y nararamdaman
Sa aking paggunita, unti unting nanariwa
Bawat pangyayari sa nakaraa’y lipas na
Tila isang tudla ang sa akin ay tumama
Dahil sa isang importanteng bagay
Na aking nakaligtaan
Mayamaya’y tila isang bukal
Sa mga mata ko’y umaagos na
Sa aking ppagupo minarapat kong tumayo
pinunasan mga luha sa aking mga mata
Ninais kong lisanin ang pwestong pinaggalingan
Dali daling lumakad sa dakong harapan
Hindi pinahalata itong aking nararamdaman
Sa tabi ng koduktor dahan dahang nilapitan
Saka unti unting binulong
Bawat katagang nais ipaalam
Mama para po, pitaka ko ay naiwan.