Posted in hugot

Miss na kita Mama

Mama ayoko ng mag isa
Diko pala kaya maglakbay na wala ka

Mama ang hirap pala
Akala ko madali lang, mamuhay ng malaya

Mama miss na kita
Miss ko na ang iyong yakap at pag aalaga

Mahirap palang maging malayo sayo kasi yung akala mong kaya mo na ay siyang di pa pala

Mahirap palang mabuhay sa mundo na wala ang iyong paggabay

Mahirap palang magdesisyon, lalo na’t noon pa may ako’y pasaway

Mama, sana di kita binaliwala
Sa panahon na akala ko kaya ko ng mag isa
Sa panahong akala ko sa pagsuway mo’y ako’y di malaya

Mama, sana ngayon di nangungulila
Sobrang miss na kita

Kung maibabalik lang ang mga panahon na lagi kang kasama, at lagi kang nandyan.
Susulitin ko ang bawat araw at di na magpapasaway.

Mama, tandaan mo mahal kita, at
Kung nasan ka man, baunin mo itong aking yakap.

Advertisements
Posted in Short Poem

Katoto

Mayroon akong kaibigan

Na minahal ko ng lubusan

Kaulayaw ko sa kulitan

Karamay ko sa kadramahan

 

Isang kaibigang tunay na matalik

Kahit iwan mo’y nandyan parin

Pag kailangan mo’y walang tumpik

Asahan mo’t nandyan lagi

 

Isang taong lumipas ang aming pinagsamahan

Isang taon nagdaan, di ko man lang namalayan

Mga binuong ala ala ng nakaraan

Paulit ulit ko itong binabalik balikan

 

Tandang tanda ko pa

Noong unang araw na nakaulayaw ka

Puso ko’y nag uumapaw sa tuwa

Sapagkat di na ako nagiisa

 

Ikaw ang kasama sa tuwina

Sa mga problema ikaw ang kasangga

Madaming lakbayin na ating tinahak

Madaming kwento na ang siyang tumatak

 

Ngunit ngayo’y bat ganyan ka

Muli akong naiwang nagiisa

Binura mo ang saya

Na sa mga muka ko ikaw ang nagpinta

 

Hanggang dito na lang ba

At sadyang paalam na?

Bakit ganun diko tanggap

Na sa piling ko’y wala ka na

 

OO alam ko wala akong magagawa

Sadyang ganyan talaga ang tadhana

Ariin mo itong aking tula

Na sa kaibuturan ng puso ko nagmula

 

Paalam na kabaro, katoto, Kaibigan kong tunay.

Posted in Mga Tula

Spoken Poetry: Tagu-Taguan

Tagu taguan maliwanag ang buwan

 

Sing liwanag ng ngiti mong pumapawi saking kadiliman

Sing ning ning ng kislap ng mga mata mong malabituin ang kinang

Sing rikit ng kagandahang loob mo na diko na nais pang bitiwan.

 

Taliwas sa paghanga kong itong pangmalayuan lang ang datingan.

 

Tagu taguan, maliwanag ang buwan

Pagkabilang ko tatlo nakatago na kayo

 

Tagong paghangang umusbong sa pagbabalatkayo

Tagong pagibig na di ko masabi sa iyo

Palihim na  paghanga na tinatago ko dito

 

Oo duwag ako,

Duwag ako kasi takot ako

Takot ako kasi ayoko ng maloko

Maloko sa pag ibig na hindi naman totoo

Maniwala sa mga salita mong puno ng pagpapabango

At umasa sa pangako na mahal mo din ako

 

Oo sawa na ko,

Sawang sawa nakong lumigaya ng panadalian

Lumipad sa alapaap na para bang may pakpak

At bigla nalang mahulog sa katotohanang

Ang lahat pala ng mga iyo’y pansamatala lamang

 

Parang sigarilyong  nauupos na sa kakahithit mo’t humaling ka na di mamalayang ito na pala ay ubos

Pero di pa yan tapos , dahil

Magmimistulang batang musmos

Na gusto mo pa at hihingi ka ng limos

Kaso wala ka na’t nalaos

 

Tagu taguan, maliwanag ang buwan pagkabilang ko tatlo nakatago na kayo

 

Tatlo, oo tatlo

Tatlong bagay lang naman ang gusto ko

Tatlong bagay na kahit anong gawin ko hindi ko din matanto

Tatlong bagay na sa tingin ko malabong makamit ko

 

Una ikaw at ako

Na sana meron tayo

Pero ayoko ng mahulog ng walang sumasalo

Kaya dito palang suko na ako

Kasi alam ko sa dulo ako lang din ang talo

 

Ikalawa,

Pangalawa palang to pero parang ayoko ng ituloy

Para akong namatayang nanghihingi ng abuloy

Ganyan talaga ang buhay puno ng panaghoy

Ang sakit na sa dibdib parang gusto kong sumigaw ng HOY!

Kasi sa totoo lang

Alam kong wala kang pakialam

Pero pakinggan mo sana’t nais kitang mahagkan

Kahit na saglitan lamang

Yung tayong dalawa lang

Pero nadadalawang isip din ako kaya wag na lang

 

Pangatlo,

Eto na at aking itotodo

Lahat ng sasabihin ko

Gusto kong marinig mo

Gusto kita at di to biro

Gusto kita kaya eto ako’y tuliro

Patuloy na nakikipaglaro

Sa mundo ng pag ibig na ako ay bigo

Hinahangad manalo

Na sa dulo sana tanging tinig ko ang marinig mo

Ang sisigaw ng BINGO! Sabay takbo palapit sayo

Pero wala nga palang tayo

Kaya gigising nalang ako

Gigising sa panaginip at bangungot na ito

Na malabong magkatotoo

Kasi alam ko na iba ang gusto mo

 

Sa malayo titingin nalang ako

Magmamahal ng lingid sa kaalaman mo

Masaya nako dito

Magmamahal ng patago…

 

Tagu taguan maliwanag ang buwan, pagkabilang ko tatlo nakatago na kayo

 

Isa……….

 

Dalawa…..

 

Tatlo…..

 

Bibitaw nalang ako para tapos na ito

Bibitaw nalang ako at ako naman ang magtatago

Sawa nakong maging taya kakahanap sa iyo

Para sana man lang maranasan kong hanapin din ako

Pero sa pagkakataong ito

gagalingan ko muna ang pagtatago

 

Hangang sa magtagpo

Ang landas ng isang ikaw at ako

Yung siguradong TAYO

Magsasama hanggang sa dulo ng mundo

Posted in Mga Tula

Love Online

Matahas na pag iibigan
Nagsimula sa simpleng usapan
Napunta sa kung saan
Hanggang di mawari’t sya’y lumisan

Oh pag ibig san nagkamali
Mga nagawa ko’y di mawari
Tinanong ang sarili
Mali ba ang aking nasabi
Dilag na kaulayaw ko’y nawala ng walang pasabi

Sa anim na buwan na sumapit
Diko alam na ika’y naakit
sa tuald kong abang marikit
Tibok ng puso mo’y ako na pala ang sambit

Bakit ngayo’y wala ka na
Ako ba sayo’y wala ng halaga
Dahil ba sa nasambit na kataga
Pasensiya na’t sa una’y di talaga naniniwala

Pero ngayon kung muling tatanungin
Isa lang ang aking sasambitin
Ngayo’y naniniwala mandin
Kaulayaw sa chat ay pwedeng ding mahalin

Posted in Mga Tula

Hanggang sa Dulo

Kakapit kahit masakit na
Lalaban dahil kakayanin pa
Hihinto pero hindi susuko
Ipagpapatuloy hanggang sa dulo
Mahirap pero magagawa
Tatapusin kahit lumuluha

Haharapin ang madla
Kahit mukang kawawa
Ipapakitang ako’y matatag
Kahit sa kaloob looba’y basag
Hinding hindi magpapatalo
Kahit na sinomang luko luko

Tatapusin ang laban nato
Buo ang loob, taas noo
Hindi magpapatalo
Kahit na  kanino
kahit pa sa takot ko

Ayan na malapit na
Tanaw ko na ang linya
Aabutin ko ang bandera
Ang lakbaying ito’y matatapos na

eto na ang bandera, akin na itong hawak
Iwawagayway ng buong galak
Ako ang panalo sa patimpalak

Posted in Feature Articles, Uncategorized

Dear Self,

Lulunurin mo nanaman ba ang iyong mga mata ng luha? Luha na gabi gabi na lang ay kusang kumakawala. Kailan ka ba masasanay sa mga taong darating at aalis na lang bigla? Kailan mo matutunan na ngumiti ng walang hlong daya? Alam mong kaya mo yan ; Noong nakaraan lamang imot mo ang sakit, nakita ko na wagas ang mga ngiti mo. Siya rin naman ang dahilan hindi ba? Siya at siya lang din naman ang dahilan ng pighati at ngiti. Huwag kang mag-alala nandito parin ako. Ako na ikaw, Ako na kailanma’y hindi bibitaw. Kasama mo akong babangon, haharapin natin ang lahat ng hamon. Kaya’t humimbing ka na at wag na muling patuluin ang luhang siya ang nagdudulot.

Posted in Short Poem

On the Dot

I am a poet

Whose pen is inkless
Where words is scattered
With a poem that is rhymeless

I can’t construct a thought
that people could understand
I just write with a knot
Using my lazy hand

I share what I want to share
With my story that is endless
I write all about the things I care
Even to you it is pointless

Indeed a jack of all jack
An untouchable master of none
An isolated pariah
A not so important one

Well this is actually a story
Of someone’s who’s after his glory
Someone confused, so empty distraught
Compared to a season, his life is in drought

His journey is boring
His life is lacking
Wandering in the wilderness
With all his might and foolishness

This is not just a poem
of a nonsense poet
This is also his jaunt
So judge him don’t

Searching for reasons
Of all the things in this treason
Finding his sail for direction
Can’t barely make any motion

He is a loser in the making
Just like a faded drawing
Been left behind by ages
Been swallowed by his savages

A lone soldier in this battle
A lonely fisherman without a paddle
Seems like a farmer who lost his cattle
Yes deep inside he is brittle

Lining up the cavalcade
Of all the losers in a parade
Starting to quit and walk away
Going to a place real faraway

This journey must continue
So let us not go any further adieu
Just wait in line as if in queue
How this story will end without a clue

Well, His story is not yet ending
So finish this poem as if we’re hanging
Might as well there’s a good finale
Like a graceful bow in a ballet

Life is not life without a problem
Just like the most precious emblem
Endure the tough and bumpy ride
You are the driver so learn how to drive

Posted in Uncategorized

Aking Bituin

Abot tanaw ang iyong kislap
Lagi ko itong tanaw sa alapaap

Ang ‘yong makislap na ngiti
Hatid saki’y kakaibang kiliti

Ika’y aking bituin sa langit
Araw, gabi’t masdan iyong rikit

Hanggang tingin na lang ba, ikaw aking giliw
Darating kaya ang araw na ika’y mapasakin din

Pano kayamakakamit, ang tulad mong dilag na marikit
Na tipong mga mata ko’y napako na’t di maipikit

Minamasdan kislap mo sa ibabaw ng langit
Mala anghel mong muka’y sa isip di mawaglit

Oh bituing maningning
Dinggin mo sana itong aking daing

Abot tanaw na lamang ba kita
Sana’y bumaba ka’t magibg abot kamay ko na

Pakinggan mo sana tula ng isang aba
Na sa iyong kagandaha’y lubos na humahanga

Bigyan sanang pansin
Itong aking damdamin

Iniibig kita,
Saksi ang buong langit

Itinatangi kita,
Kailanma’y di ka ipagpapalit

Oh aking bituing marikit sa langit
Ako yata’y masisiraan na ng bait

Di ko kayang mawala ka sa aking paningin
Puso mo ba’y paano mapapasaakin

Oh binibini, aking sinisintang pag ibig
Pakinggan itong sinisigaw nitong aking dibdib

Mahal kita sana ganun kadin sa akin.